Félag viðskipta- og hagfræðinga hefur kosið Rannveigu Sigurðardóttir, fráfarandi varaseðlabankastjóra peningastefnu, heiðursfélaga FVH. Með kjörinu eru Rannveigu þökkuð hennar störf á sviði hagvísi í efnahagslífi Íslands en einnig fyrir einstakt framlag sitt til félagsins.

„Rannveig lauk nýlega störfum hjá Seðlabankanum eftir tæplega 25 ár í starfi. Við þetta tilefni fannst stjórn Félags viðskipta- og hagfræðinga við hæfi að heiðra þessa áhrifamiklu konu í íslensku efnahagslífi sem ávallt hefur gefið sér tíma til að styðja við félags- og fundarstörf FVH með þátttöku á viðburðum félagsins en óhætt er að fullyrða að hún sé sá viðmælandi sem hefur oftast tekið þátt í viðburðum félagsins síðastliðin ár.” segir Anna Margrét Steingrímsdóttir framkvæmdastjóri FVH.
Rannveig Sigurðardóttir er hagfræðingur með umfangsmikla reynslu í efnahagsmálum og peningastefnu. Hjá Seðlabankanum gegndi hún ýmsum ábyrgðarstöðum, þar á meðal sem aðstoðarframkvæmdastjóri hagfræði- og peningastefnusviðs og ritari peningastefnunefndar. Hún var einnig staðgengill aðalhagfræðings bankans.
Í júlí 2018 var Rannveig skipuð aðstoðarseðlabankastjóri til fimm ára. Við sameiningu Seðlabanka Íslands og Fjármálaeftirlitsins 1. janúar 2020 varð hún varaseðlabankastjóri peningastefnu. Rannveig hefur setið í peningastefnunefnd frá stofnun hennar 2009 en næsta stýrivaxtaákvörðun nefndarinnar verður tekin þann 5. febrúar n.k.
Í störfum sínum fyrir peningastefnunefnd Seðlabankans lagði Rannveig áherslu á að upplýsingar um áhrifavalda við vaxtaákvörðun nefndarinnar yrðu aðgengilegar og settar fram á skiljanlegan máta fyrir almenning m.a. í greinagóðum fundargerðum nefndarinnar og á blaðamannafundum í kjölfar vaxtaákvörðunar.
Um Viðskiptaspjallið við Rannveigu ritar Telma Eir, varafomaður:
Þriðja viðskiptaspjall FVH Félag viðskipta- og hagfræðinga og Vinnustofa Kjarval fór fram í vikunni en einnig voru þar afhent heiðursverðlaun FVH. Viðmælandinn í þetta skipti var Rannveig Sigurðardóttir, fráfarandi varaseðlabankastjóri peningastefnu, en hún lauk nýverið störfum hjá bankanum eftir rétt tæplega 25 ára starf.

Starfstímabil Rannveigar spannar ótrúlega tíma í íslensku efnahagslífi og var starfið í raun aldrei það sama þar sem atburðir í þjóðfélaginu höfðu svo mótandi áhrif á verkefnin. Margt var nokkuð viðbúð, svo sem samdráttar og þennslu tímabil, en COVID 19 kom mest á óvart og erfiðast var að spá fyrir um næstu skref.
Rannveig sat 124 af 125 fundum peningastefnunefndar eftir stofnun hennar árið 2009 (hún missti aðeins af einum fundi og hefur því tekið þátt í ákvörðunum um vaxtastig og aðgerðir nefndarinnar frá upphafi þangað til næsta vaxtaákvörðun verður tekin núna 8 febrúar n.k.. Metnaður hennar til að koma upplýsingum áfram til almennings í gegnum fundargerðir nefndarinnar og kynningu á blaðamannafundum skein í gegn þegar hún talar um nefdina og hlutverk hennar og ég er ekki frá því að maður finni fyrir því í þjóðfélaginu að hún hafi komið sínu til leiðar þar sem meðvitund almennt um vaxtastig stýrivaxta Seðlabanka virðist hafa aukist mikið frá stofnun nefndarinnar.
Við notuðum auðvita tækifærið til að reyna að skyggnast inn í hvaða ákvarðanir nefndin tæki næst, enda með konu á staðnum sem hefur mesta reynslu af störfum nefndarinnar af öllum. Rannveig gaf okkur vísbendingu um næstu ákvörðun en hún fær að vera leyndarmál hennar og þeirra sem mættu á fundinn.
Aðspurð að því hver væri skemmtilegastur af þeim 9 seðlabankastjórum sem hún starfaði með hló hún við og sagði alla hafa haft sína kosti og galla en Davíð Oddson stæði upp úr þegar kæmi að því að velja ræðumann í veislur en þeir hefðu í raun allir verið skemmtilegir á sinn hátt.
Að lokum veitti Félag viðskipta- og hagfræðinga Rannveigu heiðursverlaun félagsins enda verið eftirtektarvert hvað þessi áhrifamikla kona í íslensku efnahagslífi hefur gefið sér tíma til að styðja við félags- og fundarstarf FVH og er hún sá viðmælandi sem hvað oftast hefur tekið þátt í viðburðum félagsins.
Yorumlar