top of page
  • Writer's pictureFVH

Er fasteignamarkaðurinn komin út í stýrivaxtahorn? Hádegisfundur 4. október



Félag viðskipta- og hagfræðinga, í samstarfi við hlaðvarpsþáttinn Þjóðmál, stendur fyrir hádegisfundi þann 4. október nk. þar sem rætt verður um nýja stýrivaxtaákvörðun Seðlabanka Íslands, sem verður birt fyrr um morguninn, og hvaða áhrif stefna Seðlabankans hefur á fasteignamarkaðinn og efnahaginn.

Gestir fundarins eru þau Rannveig Sigurðardóttir, varaseðlabankastjóri Peningastefnunefndar Seðlabankans, Konráð S. Guðjónsson, aðalhagfræðingur Arion Banka, og Sigríður Margrét Oddsdóttir, sem tók nýlega við stöðu framkvæmdastjóra Samtaka Atvinnulífsins. Gísli Freyr Valdórsson, fréttastjóri viðskipta á Morgunblaðinu og stjórnandi Þjóðamála, mun stýra umræðum.


Seðlabanki Íslands hefur hækkað vexti 14 sinnum frá því í maí 2021. Helstu greiningaraðilar spá fyrir um að 15. hækkunin muni eiga sér stað þegar Seðlabankinn tilkynnir ákvörðun sína á miðvikudag.

Á fundinum verður því velt upp hvort að stýrivextir hafi raunverulega skilað þeim árangri sem þeim er ætlað og rætt hvernig vaxtahækkanir hafa haft áhrif á hagkerfið og þá sérstaklega fasteignamarkaðinn. Þá verður gerð tilraun til að spá í framtíðina, hvort stjórnvöld geti haft áhrif á fasteignamarkaðinn án þess að ýta undir verðbólgu, hvort vænta megi lækkunar vaxta í bráð og undir hvaða kringumstæðum hægt verður að lækka aftur stýrivexti hér á landi.

 

Fundurinn verður haldinn á Nauthól og hefst klukkan 12:00.

Hádegisverður, fiskur dagsins, innifalinn í verði

Félagsfólk FVH greiðir 2.500 kr

Aðrir gestir 4.900 kr

Ef þú skráir þig í félagið fyrir fundinn færðu 1.000 kr afslátt af ársgjaldi




164 views0 comments

Comentarios


bottom of page