Námskeið fyrir þá notendur sem vilja nota "alvöru" gagnasafnskerfi til að vinna með gögn, hvort sem þeir hafa hingað til notað Excel, venjulegar textaskrár eða bara pappírsskjöl. Fjallað verður um fræðin sem flest gagnasafnskerfi í dag byggja á. Skoðað verður hvernig á að skipuleggja töflugagnasöfn, hvernig á að flytja inn gögn og hvernig hægt er að leita að upplýsingum í gagnasafninu. Æfingar verða gerðar í gagnasafnskerfunum MS Access og PostgreSQL (eða MySQL).

Fjallað verður um uppbyggingu töflugagnasafnskerfa og hönnun gagnasafna með einindavenslalíkaninu. Lyklar og staðalskipulag gagna. SQL fyrirspurnarmálið. Kynning á mismunandi eiginleikum gagnasafnskerfanna MS Access og PostgreSQL (MySQL) og samanburður við annað geymsluform, svo sem MS Excel.

Kennarar: Hjálmtýr Hafsteinsson, dósent í tölvunarfræði við verkfræði- og náttúruvísindasvið HÍ

Tími: Fim. og fös. 25 og 26. mars og 8. og 9. apríl kl. 15:15-19:15 (4x)

Verð: 44.600 kr.

Staður: Endurmenntun, Dunhaga 7

Nánari upplýsingar um námskeiðið og skráning í síma 525 4444 eða hér: http://www.endurmenntun.hi.is/Namsframbod/Namskeid/Hugbunadur/Nanarumnamskeid/91V10