ja_mageia

Á aðalfundi félagsins fimmtudaginn 20. maí síðastliðinn var kjörin ný stjórn Félags viðskiptafræðinga og hagfræðinga (FVH). Örn Valdimarsson var kjörinn formaður félagsins, en hann hefur gegnt starfi ritara og ritstjóra Hags síðastliðin þrjú ár.

Aðalfundur Félags viðskiptafræðinga og hagfræðinga verður haldinn fimmtudaginn 20. maí n.k., kl. 17:00-18:00. Aðalfundurinn verður haldinn í fundarsal VR á jarðhæð í Húsi verslunarinnar (gengið inn hjá hárgreiðslustofunni).

Félagið stóð fyrir morgunverðarfundi á Grand Hótel þriðjudaginn 27. apríl 2010 þar sem rætt var um samfélagslega ábyrgð fyrirtækja. Fundurinn þótti takast afar vel og var almenn ánægja meðal fundargesta með kröftug erindi þeirra Þórönnu Jónsdóttur, framkvæmdastjóra hjá Auði Capital, Salvarar Nordal, forstöðumanns Siðfræðistofnunar og Halldórs Fr. Þorsteinssonar, framkvæmdastjóra H.F. Verðbréfa. Orri Hauksson, verkfræðingur og MBA frá Harvard, kom með áhugaverðan inngang auk þess að stýra fundinum.